Back Bokseropstand Afrikaans ثورة الملاكمين Arabic ثورة البوكسر ARZ Llevantamientu de los bóxers AST Boksçular üsyanı Azerbaijani بوکسر آیاقلانماسی AZB Іхэтуаньскае паўстанне Byelorussian Паўстаньне баксэраў BE-X-OLD Боксерско въстание Bulgarian Emsavadeg ar Vokserien Breton
An Pag'alsa kan mga Boxer (拳亂), sa Ingles, Boxer Uprising, o Yihetuan Movement (義和團運動) sarong kontra-imperialismo, kontra-dayuhan, asin kontra-Kristiyanong pag'aalsa kan mga Tsino na nangyari sa pag'ultan kan mga taon 1899 sundo 1901, kan maghihinapos na an Dinastiya Qing. Igdi namoon an mga Pag'iribang Burunyog para sa Katanosan (Yìhéquán), na mas midbid sa Ingles sa apod na Boxers huli ta an mga kaapil igdi mga taga-praktis kan Tsinong martial arts, na inaapod man sa Solnopan na "Chinese Boxing". An pinu'nan kaini sa likod iyo an makuring paltik sa mga tanuman asin nagkukusog na impluensya kan mga dayuhan. An mga dayuhan kawasa mapirit na magbugtak nin mga inaapod na 'spheres of influence' sa laog kan Tsina. Gusto baro-barangaon an Tsina kan mga dayuhan na mga nasyon sa saindang kontrol huli kan mga intereses ninda sa negosyo, asin an mga simbahan man na kristiyano naglalaog naman sa pag'alok sa mga taga-duman na mag'apil sa saindang relihiyon. An mga hiro na ini nagresulta sa makuring pag'imon asin pagkasuya kan mga Tsino huli ta ini nagreresulta sa pagkaapi kan saindang kultura asin pagluya kan kontrol ninda sa buhay pulitika kan saindang nasyon. Pakatapos pirang bulan nin nagsusu'pay na kariribokan sa Shandong asin North Chain Plain laban sa presensya kan mga dayo asin mga Kristiyano kan Hunyo 1900, an mga Boksyador na tropa, kumbinsidong gayo na sinda dai tatadoman nin anoman na armas kan mga dayuhan, nagrobo-robo sa palibot kan Beijing asin sinda suportado kan gobyerno Qing paagi nin mga slogan na nagbabantolin na "Anduyogan an gobyerno Qing, puhoon an mga dayo!" Nin huli kaini, an mga dayo asin mga Kristiyano nagpa'ili sa Legation Quarter.[1] [2]